Eîndelik, heej bin ich dan, uche nowwe jeugdpreens van 2023! Ich bin jeugdpreens Jorn 1e, zoeën van Paul van Cor vanne Smeed en Marjon van Wiel van Milders Maan.
Ich bin 12 jaor aod en same met mien pap, mam, mien zösterke Iris en breurke Stef woeën ich oppe Boeketwieëg 75 tege over de kepèl. Det es in ’t aojerlik hoeës van mien overgroeët opa en oma “de Smeed”. Mien opa en oma woeëne eîn deûr wieter en mien ângere opa en oma woeëne oppe Laorderwieëg.
Gruuëts wil ich vertelle det mien opa Wiel 1e de allerieërste preens van de Moêzevângers waas.
Ich zit op IKC Laor in groep 8 beej juf Maud. In mien vri-jjetiêd voetbal ich beej FC Laor en inne hoôf, trómmel ich beej schötteri-j Sint Sebastianus Laor, speul ich gaer boeteshoês, game ich en veer ich neteurlik gaer Vastelaovendj. Same met de jeugdraod wil ich ‘nne hieële schoeëne tiêd van make!
Now ich mich veurgesteldj heb, wil ich uch gaer laote wieëte det:
1 Ich same met de muuskes
2 Same met de groeëte prins en zien gevolg
3 Same met mien adjudante, jeugdvorst en jeugdraod
4 Same met alle wichter van Laor
5 Same met alle mînse van laor
D’r eîn groeët fieëst van gaon make um noeëts mieër te vergaete!
En det ich uch ammaol nuuëj um te kaome nao:
6 de wichter bônte middig
7 de jeugdpreensereceptie
8 de groeëte optocht vanne basisschool
9 alle daâge Vastelaovendj beej bee-j Bertje op Laor!
En det wil ich gaer daon
10 inne orde van: ’t TEAMSPEULERKE
11 En wil ich gaer afsloête ónger mien devies:
STÂMPE, SCHETE, TRÓMMELE…
OP LAOR LAOTE VAE ‘T FLÎNK RÓMMELE!
