Borebroêleft op Laor
Lang hebbe vae d’r nao uut gekeke, 2021 zoeëj ’n jubileumjaor zeen,
3 x 11 jaor
In 1988 woordt vör ’t ieërst de borebroêleft georganiseerdj door V.V. de Moêzevângers;
Woeërbeej Cor Broods en Toos Moonen de primeur haaje, ze woorte getrâwtj inne kêrk en daonao nog ’s in ‘ne bom volle zaal Beej– Bertje vör völ jaomergenog in ‘t on-echt woorte verboonge. Dit gebeurdje ónger leiding van ‘ne ceremoniemeister, ‘ne echte Börgemeister, ‘ne echte pestoeër met ziene mésdeener jao en met echte stomme knouwel. Eder jaor wétj de organisatie vanne borebroêleft weer ‘n schoeën clubke minse beej–ein te vînge. ‘n Broêd, Broêdegom, twieë stel aojers, getuûge, ‘ne Kaplaon/Pestoeër, mésdeener, Börgemeister en ‘ne ceremoniemeister, die ‘t fieëst dan gehieël oppe kop zette.
In die 33 jaor zeen d’r völ verângeringe gewaesj, mer waat onverângertj és gebleve és det de borebroêleft ein van de gezelligste vastelaovendj fieësjes és op Laor. Eder jaor waas ‘t weer raak, vae zelfs al ‘s ‘n heuse fieftig jaorige borebroêleft gehadj. Dit waas uniek, waat ‘n fieëst. Zoeëwaal de organisatie as de minse van de borefemiêlie hebbe eder jaor weer hieël völ plezeer aan de veûrbereidinge van dees activiteit “De Borebroêleft “ En di-j niet allein! Ouch alle gaste oppe borebroêleft genete volop mej; de borebroêleft és al jaore ‘t drökstbezochtje fieëst van ‘t sezoen! Vae perbeêre eder jaor ‘n gemêleerdj gezelschap beej elkaar te brînge as borefemiêlie; ‘ne mix van joonk en aod, gebore-en-getoge op Laor en körs-vörse inwoeëners van Laor.
Zeejje of ki-jje emes dae 18 jaor of aojer és en gaer mej zoeë wille doon? Laotj dit wete via: secretaris@moezevangers.nl
De Borebroêleft-commissie
