
Seizoen ’23/’24 waas weer volop geniete vur de artiesten en ut hieël gevolg vanne boonte aovundjgroep inne veurpret/oppe speuldaag zelf en neteurlik vur alle moezevangers-moezevangerinnekes en anger gezellige minse deej dur woore en deej daag vurzörgdje.
Vae schudje de beinkes los as MAXI-moeze en det kost toch waal BLOOD-ZWEIT & TRAONE. Ozze trouwe jubilaris van veurig jaor (Thei) laefdje zich uut as H6 ofwaal Andre Hazes. Verder trokken o.a. Meatlof, os Titanic-stel, de alpenzusjes en neet te vurgaete AXEL (dae van Bospop) (met ziene gitaarsolo zoot hae op Roeze), op ut hoofdpodium. Gae mocht allemaol metgeniete vanaaf de ieerste reej. Vae bleeve STAYING ALIVE (det waas de moond-op-moond reclamati..eh reanimatie) Mer um ut aaf te keule kreege vae unne eis beej de ICE(S)CREAM man. Det waas nuudig, want de gemoederen leepe hoeeg op beej Valerie, toen ut wachtwoord (of waas ut un fantasie WW van W..ims W..eens?) uutkwoom. Dit onger ut camera-oug van L1 ONGERWAEG live beej uch inne hoeskamer van Henk. Doeer de subsidie vur Henk, dae zelluf gooj connecties haaj, koste B&B (Buurman&Buurman) de zaak es duchtig aanpakken met hun klu(n)ssigheid, waat un heerlijk stel. Um alle rust, van unne parachutist inne baum tot de verhouding van mannen en vrowlie trok te laote kieere, gingen vae ut WIEERTERBOS in. Jao, dao met al deej mugge). Saame met Walter en Toos, heur eende-fluit en eeder met zien camouflagemutse veurop, op zeuk nao wildje verkes. Walter haaj unne TANTRA, mer det verspreiden, paktje angers uut en toen waas ut OEVER & UUT vur det jaor. Dit jaor gaon vae weer SWINGEntj verder. ALAAF team B.A.L.(en det zeen neet de sporters) Boonte Aovundj Laor






