Preens John III en ’t gevolg

Home / Algemeen / Preens John III en ’t gevolg

Miene naam és John Peeters, ich bin 28 jäörkes joonk en woeën al zoeëlang as ich laef op Laor oppe husseverhegge same met mien aojers, broor en hundje.

 

Wêrke doon ich as ‘n 3D engineer beej Byldis in Veldhoven, gespecialisieërdj in ‘t make van Prefab betónne sandwich elemente. Daovör gebroêke vae computergramma’s as Tekla Structures en SCIA. Det verklaortj de potluuëj en liniaal op mien orde van ’t teîkenaerke.

 

Naeve al det gewêrk heb ich ouch ‘n aantal hobbies.

As ieërste és neteurlik vastelaovendj vere, det doon ich al van joônks aaf aan!

 

Mochdje mich nao de vasteloavendj kwiêt zeen, dan és de kans groeët det ich same met mien Oeësteriêkse femiêlie inne bêrge oppe latte vanne pistes aafsjeês of in ein van di-j völ te gezellige berghutte ‘nne stiegl aan ’t drînke bin.

Wannieër de wîntjer verbeej és, begîntj al gauw de Formule 1.

De vri-jje tîed dae dan nog oeëver blieftj, gieët hieël op aan de modelbouwtreînkes.

 

Neteurlik staon ich d’r neet allein vuuër en heb ich ‘n paar adjudante moge uutkeêze. Dit zeen miene broor Nick Peeters, Guido Smolenears met zien maegtje Lotte Pubben, Eric Ament en Nick Dirckx.

 

Mien devies:

 

Met de latte ónger de beîn en de moês inne hând, gaon ich wi-j ‘nne trein doeër ‘t moêzelând!

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

  •  
    Previous Post

    Borebroêdspaar 2024

  •  
    Next Post

    Jeugd Preensepaar Jayden I en Lynn II