Jeugd Vorstin Nynke

Home / Algemeen / Jeugd Vorstin Nynke

Hè hè, eindelik moog ich mich vuuërstelle as DE jeugdvorstin vanne Moêzevângers. Vör degene di-j mich neet kinne, ich bin Nynke Meijer en bin 12 (twellef) jaor aod. Ich woeën oppe Rakerstraot 6 heej op Laor. Same mét mien pap Joost, dae dejjae vast waal as aod Preens Joost I kintj, mét mien mam Monique, bekindj van dae gaele bus, mét mien breurke Luuk en miene hoond Gizzy. 

Nao dit jaor gaon ich nao de brugklas, want ich zit in groep 8 van IKC Laor beej meîster Thijs. Mer naeve schoeël heb ich neteurlik ânger dinger di-j ich gaer doon. Mien hobby’s zeen paerdri-jje, dânse, turne beej Jan van Wieërt en mien eîge paerd verzörge. 

As nowwe jeugdvorstin bin Ich kej gruuëts det ich dit jaor same mét de hoeëghede en vorst Guus de vastelaovendj op Laor vuuër moog gaon!

Verder wil ich gaer nog vertelle:

  1. (ein):  Det ich ‘nne echt Friezin bin
  2. (twieë): Det ich al ‘n tiêdje aan ‘t oefenen bin mét plat kalle en dit noow baeeter kin dan miene pap
  3. (drej): Det ich al jaore dâns beej de Laorder Muuskes en vanaaf dit jaor beej ‘t Showteam
  4. (veer): Det as ich tiêd oeëver heb dék te vînge bin beej mien buurmaegtje Holly um te knoefele. Kaomendje waeke zal ze ‘t mét minder knoefels motte doon.
  5. (viêf): Det ich eder jaor oppe latte te vînge bin.
  6. (zes): Det mien lievelings aete pizza es
  7. (zieëve): Det vastelaovendj veere in mien blood zitj
  8. (acht): Det ich ‘t leuk ving um mét de hoeëgheden, adjudanten, raod en alle ânger wichter te gaon fieëste
  9. (nuuëge): Det ich ‘t ‘n ieër ving um vorstin te moge zeen vanne Moêzevângers
  10. (tieën): Det ich noow te lang aan ‘t kalle bin
  11. (ellef): Daorum sloet ich aaf: MOOG ICH VAN UCH ‘N DREJ KIEËR: 

LAOR… ALAAF!

Geef een reactie

Je e-mailadres wordt niet gepubliceerd. Vereiste velden zijn gemarkeerd met *

  •  
    Previous Post

    Preens Frank I en Preenses Brenda

  •  
    Next Post

    Preens Frank I en Preenses Brenda