Erzsi Rinkens en Wilco Loop
Ich bin Erzsi, 60 jaor aod en al 40 jaor getrâwtj met Jan. Samen hebbe vae un dochter, , Marilyn en twieë kleinzuùnkes Quentin en Hugo van (bekàns) 8 en 5 jaar aod woeë vae erg gek mej zeen! Ich wêrrek as baliemedewerkster beej Fysiotherapie Jetten in Echt en de deensdig es miene oppas daag. Mien hobby’s zeen: wandelen, laeze, legkpuzzels maken van 1000 stökskes, tillevisie kieke, uut aete, ‘n terrasje pikken en uùtstapjes maken en ich lieër Spaans. Auch gaon ich eine kieër inne waek sporten beej Dansschool Fresh sinds ‘n aantal maondj.
Oorspronkelijk kaome vae uut ’t Zuùje uut Landgraaf/Heerlen mer 3 jaor gelieëje besloeëte vae um korter beej os dochter, schoeënzoeën en de kleinzuùnkes te gaon woeëne en kochte vae os hoeës aan de Aldenheerd. Ich heb mich aangesloeëte beej de Laorder Vrâwwe vereiniging want die organisieëre leuke, lieërzame en gezellige beejein-komste. De tradities en ’t hechte vereinigingslaeve op Laor ving ich hieël fein en gezellig en auch waardevol um veùrt te zette. Veurig jaor waren vae veur ’t ieërst oppe Borebroêleft en vae vônge ’t echt geweldjig! Det es un traditie uut “’t Noeërde” en die kinne vae in “’t Zuùje” neet. Ich kiek d’r erg nao uùt um saame met de rest van ut Bore gezelschap dieës traditie auch dit jaor te mogen veùrtzette!
Wilco Loop
Be-j naam: Wiel de Werker.
Ich bin Wilco en ich bin eine zoeën van Mia van de Knip en van Sjraar, dae nozum uut ut zuiden. Ich bin getrouwdj met Ellis en vae hebbe twieë jông.
Ich woeën oppe Neeleweeg 3 (gae wetj waal, det hoeës woeë Tullemans hieët gewoeëntj. Dae van di-j körstbuîm).
In ut dacheliks laeve doon ich iets technisch. Daonaeve bin eine echte Bourgondiër en mien hobby es ut nóg schoeëner make van oos hoeës.
Auch bin ich mede oprichter van eîn van de beroemste vastelaovendj vereînigingen van Wieërt: V.V. De Toetimeloeties.
He-j me-j laope vae al bekans 3×11 jaor me-j inne Groeëte Wieërter stads optocht. Binne dees vereîniging bin ich de baas vanne bouwcommissie en vuürzitter vanne aod-preense vereîniging. Dit jaor bin ich de vader vanne broêd en vae gaon d’r un schoeën fieëst van make 27 jannewari!
