Getuuëge vanne broêdegom (Eric Ament)
Eric van Wim van An Drees van Kösters Door en van Mia van Hene Pieëren Helmus.
Hoi, Ich bin Eric, 25 jaor en in ’t daagliks laeve wêrk ich as monteur/chauffeur beej Herpertz in Ni-jwieërt. Dao sleutel ich aan allerhande mesjienes. Mien hobbies zeen sleutel aan vanalles en nogwat. Dao naeve bin ich al jaore leiding beej de scouting in Tungeler en bin lid vanne raod van elf vanne Moêzevângers, dus det verbingtj mch dan ouch met de vastelaovendj op Laor.
Getuuëge vanne broêd (Roos Koppen)
Ich bin Roos van Ludo van Jan van Hille Lewie en Toos van Klûtjes Thieu en Fraukje van Gerard van Harry van Bom en Ald van Bertus vanne Zeildrei-jer.
Ich woeën in Tungelder, woeë vae ’n vleisvêrkes- en akkerbawbedriêf hebbe. Ich bin dan ouch ‘ne echte Bokkeriejer in hert en neere. In ’t daagliks laeve ri-j ich edere daag nao Panninge um dao met hieël völ plezeer te gaon wêrke as technisch óngersteuner beej VarkensArtsenZuid. Ich bin dus regelmaotig tösse de vêrkes te vînge woeë ich hieëlemaol in mien nopjes bin. Inne weekende doon ich gaer gezellige dinge met vrînj en bin ich op zoondig mêrge in ’t zwumbad te vînge um les te gaeve aan de wichter beej DSO. Dit doon ich ouch met hieël völ plezeer same met miene vreendj Hubert. Via Hubert bin ich op Laor terecht gekome en gieët dit miene ieërste vastelaovendj beej de Moêzevângers waere met metein dees leuke taak. Ich kiek d’r enorm nao uut um same met de rest vanne borefemiêlie ‘ne geweldjige daag van te make.
