Borebroêdspaar 2023

Home / Algemeen / Borebroêdspaar 2023
Algemeen,  Nows 0

Borebroêd:

Ich bin Lotte van Chrit van Jan van Pubben uut Panhael en van Sonja van Eef van Bér van Plek.

Ich bin 26jaor aod en woeën op Moesel samen met pap (chrit) en mam (Sonja). Ich heb ‘n jonger breurke Lars, dae woeëntj sinds ‘n aantal jaor op kamers in Utrecht.

Ich werk as woeënbegeleider beej zorgcentrum Martinus in Wieërt. Heej begeleid en verzörg ich minse met de ziekte van Huntington en probeer ich hun ‘ne feine daag te bezörge.

Op dit mement bin ich in mien vreeje tiêd, same met vreendj Guido, drök bezig met de verbouwing van os ieërste eigen huuske aan de Nieuwenheerd op Laor. As alles volgens planning verluptj hoépe vae heej over ‘n aantal maondj in te kinne gaon woeëne.

Daonaeve ving ich ’t leuk um tiêd door te breenge met vreendje en regelmaotig nao en fieëstje of festival te gaon. Zoeë gaon vae beveurbieëldj jaorliks met ‘n gezellig clubke nao de Zwarte Cross.

Vastelaovendj veere doon ich al zoeëlang ich mich kin herinnere. Vreuger nome pap en mam os mej nao de Verkusköp op Moesel. Mer de letste jaore bin ich allein nog mer te vînge op Laor beej de Moêzevângers!

Borebroêdegom:

Ich bin Stan van Frans van Giel van Vaster Frans en Meiese Griet. En van Marianne van Hans van de Meister en Miep van Jeu van Toetergraad ziene Graad ziene Jeu.

Ich bin 28 jaor aod. geboeëre in hertje Rooj en opgegrujd beej Bie Bevers, aan de randj van ‘t Aorevin. Heej hub ich tot Mei 2022 same mit mien 3 zösterkes gewoeëndj.

Now woeën ich same mit mien vriendin Daniek Moonen oppe Laorderschans 30.

 

In miene vreeje tiêd bin ich gear aan het klusse, koôke of van ‘t waér aan ‘t geneete met vreendje op ‘n terrasje of in miene geleefde oldtimer.

Op vri-jdigge bin ich meistal te vînge beej scouting Tungelroy, dao bin ich al verschillendje jaore leiding.

In ‘t dageliks laeve werk ich beej WP Haton in Panninge. As project Manager bin ich verantwoordelik vör ‘t veurbereije, uutwerke en begeleide van projecten van ambachtelikke, mer veural industriële bekkeriên over hieël de wereldj.

Vör mich beteikendj Vastelaovendj: gezelligheid, same e putje beer drînke, meziek en veural neet te völ serieuze kâl. Dit is get wat mich beej de Moêzevângers good bevaltj en daorum bin ich sinds ‘n jaor lid vanne Raod van el

Geef een antwoord

Het e-mailadres wordt niet gepubliceerd. Vereiste velden zijn gemarkeerd met *

  •  
    Previous Post

    Borebroêleft 2023, Aojers vanne Broêdegom