Aojers vanne Broêdegom

Home / Algemeen / Aojers vanne Broêdegom

Valerie Berben. Beejnaam beej femilie en vrindje es ‘Val’ of ‘Velke’. Woeë ich d’r eine van ben, es ‘Valerie van Mart van Sjeng van de Slagter en van Rosalie van Daenen’. 

 

Mart Berben es mien pap en miene opa waor Sjeng Berben, unne bekindje slagter vanne Vrakkerstraot op Bosseve. Mien oma waas van Hendriks woeë van d’r vreuger völ op Vrakker woeëndje. Rosalie Winkelmolen es mien mam en die kùmtj vanne femilie Winkelmolen woeë van d’r völ op Husseve woeëne. Ich woeën in ut hoeës waat vreuger van opa en oma waas en woeë os mam es opgegruùtj oppe Husseverweeg 61A . Dit hoeës es inne jaore ’50 gebâwtj oppe grônd van un boôrder-j vanne ‘Winkelmolens’. De beejnaam van dieës ‘Winkelmolens’ es  ‘Die van Daenen’ en de ‘Daenenstraot’ (doeëdlaupendj zi-jstreùtje vanne Husseverweeg) es nao mien femilie verneùmdj. 

 

Ich woeën same met miene mins Ad en mien twieë wichter, Amber (17 jaor)  en Lotis (10 jaor). Mien hobby’s zeen zwumme en as ich gein blessures heb haardlaupe. Auch haoj ich van (rock) meziek, (rock) festivals, fieëstjes en ich gaon gaer inne stad wat dreênke met mien vriendinnen. In ut dageliks laeve bin ich Grafisch vormgever beej un Bad en Beauty trading bedrieëf in Eindhoven. Mien beênging met Laor enne vastelaovundj es det mien jongste dochter Lotis op IKC Laor nao schoeël gieët, dânsj beej de Loarder Muuskes en paerd rieëtj oppe Manege Laor. Ich bin opgegruùtj met vastelaovundj en veêr dit dan auch eèder jaor met völ plezeer.

Pieter Smeets, beejname Pieter van Harry van Monne Pier. Ich bin unne zoeën van Harry van Monne Pier en Lies van Hannes Schroijen.

Tieëgewoeërdig woeën ich weer op Laor, oppe Laorderweeg 47. Heej woeën ich met pap en ich bin dao opgegruùdj same met mien zus Martine en miene braor Johan. Van 1995 tot veurjaor 2023 woeëndje ich inne provincie Utrecht, bekàns de hieële tieëd in IJsselstein. In de weekenden waor ich mieëstal op Laor. D’r waor altieëd waal wat te daon inne femilie, de vrindje-groep of beej de voetbalclub. Beej SV Laor voetbaldje ich oppe zoondig en ich bin nòw now betrokke as grensrechter beej de jeugd. Sinds ich neet mieër voetbal, bin ich auch oppe zoondig actief as grensrechter beej ut twieëdje. Wêrreke daon ich beej Rijkswaterstaat in ’t midde van ’t lând, regio Utrecht en Flevoland. Heej probieër ich ut verkieër oppe autosnelwieëge zoeë gaod meugelik te laote door ri-je, beveùrbieëldj doeër wegwerkzaamheden zoeë slùm meugelik te plannen.

Met vastelaovendj ben ich opgegruùdj. Met de vrindjegroep hebbe vae vanaaf 2004 twèllef kieër mej gedaon met de groeëte optocht in Wieërt met “VV de DeûrKlînke”. Mieëstal as groeëte groep met unne kleine waage. Samen verzinnen, bâwwe en völ plezeer.

Dit jaor bin ich de vader vanne broêdegom oppe Borebroêleft vanne Moêzevângers

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

  •  
    Previous Post

    Aojers vanne Broêd