‘t es weer verbeej.

Vae, de Moêzevângers en ich hebbe genoôte van ‘n geweldjig seizoen 2012.

Het waas ‘n jaor woeëdet  spontaniteit en energie vanaaf spadje.

Waat woore oos activiteite goot bezochtj, vastelaovundj op Laor veere vae heej nog altieëd saame en dao bin ich gruuëtz op!

Ich wil dan ouch alle minse bedânke di-j op ein van oos activiteite zeen gewaesj. Dit droog beej aan ‘nne onvergaetelike  periode vör oos geweldjige Jeugdpreens Jelte, Jeugdpreenses Dian en Groeëtte preens Roel. Names eur moog ich zegge, minse fein dejje d’r woortj.

Vastelaovundj op Laor es êrreg schoeën, umdet vae ’t met z’n alle daon!

Ich wil dan ouch alle hendjes, alle sponsore en eederein dae vör de vastelaovundj op Laor heet klaor gestânge bedânke. Hieël, hieël hertelik bedanktj, want zônger dees höllep kinne vae as Moêzevângers d’r neet zoeën fieëst van maake. ’t Es ein groeët fieëst gewoore dit jaor met behöllep van uch.

Ich bin d’r hieël gruuëts op det ich van dees vereiniging de vorst moog zeen, mer nog sjieker det dees vereiniging ouch nog ‘s ’n vereiniging van Laor es.

Leef Moêzevângers en leef Moêzevângerinnekes en neteurlik alle ânger vereiniginge en fieëstveerders hertelik dank vör dit geweldj-ig vastelaovundj seizoen.

Alaaf



Vorst Geert
v.v. de Moêzevângers